Concello de Crecente

Noticias

Cine, tertulias e contos dende unha perspectiva de xénero

- O concello de Crecente inicia o venres, 6 de novembro, un programa de actividades para o fomento da igualdade de oportunidades e a prevención da violencia de xénero
- Cine fórum con perspectiva de xénero e tertulias en feminino dirixidas a un público adulto e contos para crianzas, actividades para fomentar a igualdade


3 de novembro do 2020
 
O Concello de Crecente organiza durante o mes de novembro unha serie de actividades no marco do Programa para o fomento da igualdade de oportunidades e a prevención da violencia de xénero, financiado pola Deputación de Pontevedra.
A consecución da igualdade real e efectiva entre as mulleres e os homes en todos os ámbitos da vida social, política, económica e cultural e a loita contra a violencia de xénero deben constituír unha das principais liñas estratéxicas de actuación das Administracións Públicas e dende o Concello de Crecente se propoñen unha serie de actividades cunha perspectiva de xénero tanto para cativos coma adultos
 
Cinefórum con perspectiva de xénero
Esta actividade é unha ferramenta educativa que permite descubrir novas perspectivas e evidenciar posibles prexuízos, roles e estereotipos. Ademais, axuda a xerar hábitos de observación, reflexión e análise.
As persoas interesadas poden solicitar a súa inscrición no Concello de Crecente no teléfono 986 666 300
A actividade desenvolverase os venres 6, 13 e 20 de novembro, no Auditorio Municipal de Crecente, en horario de 17.00h a 20.00h
 
Contos para crianzas “Cambia o conto”
Os días 9, 11 e 13 de novembro de 12.00h a 13.45 horas, levarase a cabo unha actividad cos máis cativos, coa colaboración do CEIP Manuel Sieiro do concello de Crecente.
Os contos son parte dos instrumentos empregados no proceso de socialización dos nenos e das nenas e, como tal, teñen a capacidade de influír de xeito transcendente na construción da súa identidade e personalidade.
 
Por tal motivo, é indispensable tomar consciencia do importante papel que teñen os contos no proceso de desenvolvemento das crianzas, a través da transmisión de diferentes ideas, valores e expectativas, polo que a través dos contos se pretende redefinir os papeis, personaxes e historias que os caracterizan aportando unha perspectiva transversal de xénero; procurando sempre o entretemento, participación e implicación do alumnado participante.
 
Tertulia en feminino
Os días 23, 25 e 27 de novembro e de 17.00h a 20.00h, o Auditorio municipal do Concello convertirase nun espazo de reflexión sobre o papel da muller, e en especial a muller do rural, e do Concello de Crecente.
Procúrase crear un grupo no que as persoas asistentes poidan falar da actualidade e a situación das mulleres; abordando temas coma a violencia de xénero, as agresións sexuais, a fenda salarial e todos aqueles temas que vaian xurdindo
Deste xeito levarase a cabo unha revisión crítica e un debate moderado por unha axente de igualdade.
 
 
 

Acceso á Sede Electrónica

Acceso ao Perfil do Contratante

Direccións e teléfonos de Interese

Acceso ao Buzón Cidadán

Información sobre Transparencia

Solicitude de Alumeado Público

Xunta de Galicia
Deputación de Pontevedra
BOE
Boletín Oficial da Provincia de Pontevedra
DOG
Sede Electrónica Castastro
ORAL - Xestión Tributaria e Catastral
Portal de Transparencia
Concello de Crecente
  • Rúa Solís Ruiz, 5 - 36420 Crecente (Pontevedra)
  • Teléfono: (+34) 986 666 300
  • Email: info@crecente.es

Horario

  • De luns a vernes de 9:00 a 14:30

Parroquias

  • Albeos, Ameixeira, Angudes, Crecente, Filgueira, O Freixo, Quintela, Rebordechán, Ribeira, Sendelle e Vilar.

© 2020 Concello de Crecente - Todos os dereitos reservados // Deseño maquetación e programación web a medida Grupo5.com

Na nosa web utilízanse cookies propias e de terceiros con finalidade analítica e de márketing. Para continuar navegando é necesario aceptar a política de cookies.
Política de Cookies Aceptar